Nocnym dudom
Wagon Py Ka Py
jako baloniokowo fora
lod starzika z Raja
ciepie na boki -
to yno taki glajzy ...
Mama w doma, juz
na progu lauby slyszec
jeji Zdrowaski, rolady
kluski i modro kapusta
w parzoku przirychtowane
Noc slonsko
gynsto i zaczarowano
miesionczek, swiyntego kolko
nade holdom - czornom marom
co z widniokiym niy ufurgo
Cug jako tyn szif
na mlycznej sztrasie do niyba
kaj wrzalki piwo z miodym
a w zdzadle lokiyn
Slonsk Slonsk sie przeglondo.
Nocnym nazod
Wagon Py Ka Py
jako cymbrano masniczka
lod starki z Raja
kolybie jak przodzi -
bo to taki glajzy ...
Mama w doma, jeszcze
na progu lauby slyszec
jeji z Pon Boczkiym
talyrze w befeju, tiszdeki
we szranku posklodane
Noc slonsko
tyngo i hypnoticzno
gwiozdy, wyrfliki rozanca
nade szybym - blyndnym rycerym
co z wiatrokiym niy poradzo
Cug jako tyn szif
na mlycznej sztrasie z niyba
bo wypite piwo z miodym
a w zdzadle lokiyn
Slonsk Slonsk sie spomino
Bernard Polednik
|
|
|
